2016-imi inuusuttut ilinniarnerat suliffeqarnerallu
2016-ip naanerani kalaallit inuusuttut 16-it 25-llu akornanni ukiullit 5.721- t imaluunniit 68 procentii ilinniarfinnut suliffeqarfinnulluunniit atassuteqarput. Taakkunannga 30 procentit ilinniarnermik aallussipput 9 procentit Kalaallit Nunaata avataani efterskolini atuartut imaluunniit allamik ilinniartut. 2016-imi ilinniartut amerlassusaat 2010-mi ilinniartut amerlaqatigivaat.
Inuusuttut ilinniakkanik ingerlataqanngitsut imaluunniit suliffeqanngitsut agguaqatigiissinnerat 32 procentinik annertussuseqarpoq. Tamanna 2014-imut sanilliullugu 3 procentpoint-inik ikileriarneruvoq. 2010-mulli sanilliullugu ilinniakkamik ingerlataqanngitsut amerlassusaat nikissimanngilaq.
Titartagaq 1. Inuusuttut 16-it 25-illu akornanni ukiullit suliaat, 2010-2016
Najoqqutaq: Naatsorsueqqissaartarfik – Kisitsisaataasivimmi kisitsisit takukkit (http://bank.stat.gl/UDNUMG3).
Nalunaarut: Pineqartut Kalaallit Nunaata avataani efterskolinik ilinniakkanillu ingerlatsisut tabelimi ilanngunneqarput.
Inuusuttut sullinniakkat
Saqqummersitami uani inuusuttut suliffeqarfinnut aamma ilinniarfeqarfinnut atanerat ersersinneqarpoq. Saqqummersitami uani inuusuttut ilinnianngitsut aamma sulinngitsut inuusuttunik sullinniakkanik taaneqarput.
Inuusuttut sullinniakkat tassaapput inuusuttut suliffeqanngitsut aammalu inuusuttut suliffissarsiunngitsut. Inuusuttunilu sullinniakkani ilinniakkamik ingerlataqartutut nalunaarsukkat Ilinniagaqarnersiuteqartitsivimmili nalunaarsorsimanngitsut ataani periaatsimut immikkoortumi tassunga tunngasut nassaassaapput.
Inuusuttut amerlassusaat 8.436-iusut ataani assiliartalerneqarput. Inuusuttut ilinniakkanik ingerlatsisut aammalu suliffillit taamaallaat ilinniakkanik ingerlataqartutut nalunaarsorsimapput. Inuusuttullu ilinniakkanik ingerlatsisut efterskolinut, inuusuttunut qaffassarluni ilinniarfinnut aammalu ingerlariaqqiffiusumik ilinniarfinnut agguataarsimapput.
Titartagaq 2. 2016-imi inuusuttunut 16-it 25-llu akornanni ukiulinnut nalunaarsuutit
Najoqqutaq: Naatsorsueqqissaartarfik – Kisitsisaataasivimmi kisitsisit takukkit (http://bank.stat.gl/UDNUMG3).
Inuusuttuni sullinniakkani inuusuttuaqqat amerlanerupput
Ilinniarnernik ingerlatsisut agguaqatigiissinnerat ukiuisa amerliartorneri malillugit 2016-imi appariartorpoq. 16-init 18-illu akornanni ukiullit 42 procentii ilinniakkanik ingerlataqarput 25-nillu ukiullit 26 procentii ingerlataqarlutik.
Suliffillit ukiuisa amerliartorneri malillugit agguaqatigiissinnerat amerlassusaat qaffakkiartorpoq. 16-it 18-inillu akornanni ukiullit 25 procentii suliffeqarlutik, 25-nilli ukiulinni inuit marluugaangata ataasingajak suliffeqartarsimavoq. Inuusuttut sullinniakkat agguaqatigiissinnerat ukiuisa amerliartornerini amerlassusaat appariartorput. 16-it 18-illu akornanni ukiulinni 38 procentit suliffeqaratillu ilinniartuusimanngillat, 25-illu ukiullit 2016-ip naanerani 28 procentiusimallutik.
Titartagaq 3. 2016-imi inuusuttut 16-it 25-llu akornanni ukiullit agguaanneri, ukiut nalunaarsugaanerlu malillugit
Najoqqutaq: Naatsorsueqqissaartarfik – Kisitsisaataasivimmi kisitsisit takukkit (http://bank.stat.gl/UDNUMG3).